波波今日又有新攪作, 食完早餐去辦例行公事, D 便便又出問題; 見到佢嘅poo poo偏軟又有潺, 雖然唔算太差, 但早兩日有作嘔, 今日便便又有事, 好明顯係腸胃病喇; 還好之前Mi比咗幾粒天然草本slippery elm我看門口, 話屙嘔都可以食, 即刻拎出嚟試吓!
波波咁細身一粒可以分為6份, 我用少少蜜糖開3cc水混埋D藥粉, 希望佢肯吞啦; 因為D藥真係氣味好大, 有D擔心!
哈哈, 真係估唔到呢個波波豬, 佢竟然好鍾意, 食到猛舔脷 😋
過咗無耐佢已經明顯變精神, 可能呢兩日都係腸胃唔舒服, 可能有肚仔痛呀, 唔通條氣chok住chok住都係因為痛到呼吸急速?
後來先知原來除咗屙嘔, 呢隻 slippery elm仲可降低肺同支氣管黏液嘅黏度, 增加其流動性, 有咳都ok; 唔怪得波波食咗腸胃同咳都無晒事啦!
我有同佢探熱, 只係知道佢體溫正常, 如果今日症狀無出嚟, 我真係咩都靠估, 咁好"擲駛"啦!
晚餐後便便已經正常番, 連氣管都無再chok吓chok吓喇, 穩陣D今晚餵多一次slippery elm, 應該會無事!
好開心呢隻天然草本可以幫到佢, 唔使下下要靠食藥啦😊
波波生猛番就纏住達達要同佢玩, 達達心情又唔太壞喎, 雖然佢生毛毛呢個issue唔見有進步, 但心情就有好轉, 起碼近呢兩次都可以順利幫佢剪到指甲啦!
希望係好嘅開始, 天氣都逐漸回暖, 可以浸密D微泡浴, 希望佢毛毛嘅休止期會好快完!
榆樹內皮可作藥用，榆樹樹皮內的黏液有鎮定的作用，其可保護破裂的組織，降低肺和支氣管黏液之黏度， 增加其流動性，可治療咳嗽，咽喉腫痛等；其主要是使用於胃腸、腹瀉腹痛、腸易激綜合徵（IBS），它也用於防止胃和十二指腸潰瘍，結腸炎，憩室炎，胃腸道炎症，和胃酸過多，避免毒素傷害。
滑榆樹應用於皮膚創傷，燒傷，痛風，風濕，感冒瘡，癤，膿腫，潰瘍，牙痛，咽喉腫痛，並作為潤滑劑，以減輕勞損。
在一些嬰兒食品、成人營養品，和用於舒緩咽喉痛一些口服含片都有用上滑榆樹。
使用方式: 250-400 mg /天 (視乎寵物大細, 呢個係一般貓貓建議用量
注意事項:
1.服藥或是其他保健品,則需要間隔1-2小時,
2.若有高鈣血症 hypercalcaemia.,則勿服用
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
