已經唔係第一次聽聞小狗受驚引發腦炎嘅病例, 我以為係突然受驚所引發, 例如打雷等突發聲響引至狗狗受驚, 無諗過絕育都會出呢種問題, 咁睇嚟達達都算好彩, 係驚到情緒出問題, 無驚到腦炎病發!
https://www.facebook.com/groups/63703541849/permalink/10152374876591850/
仲有千奇百怪嘅問題, 總之呢D小狗極易受驚嚇, 之前豆豆同波波嘅親媽媽煩b, 就懷疑係嚇死啦; 當日帶煩b去絕育, 都未開始麻醉佢就心跳亂晒, 急救都救唔番!
有呢D病例我真係好驚, 細身狗狗真係好多問題, 唔嚇死佢都會嚇死我喇!
http://www.ettoday.net/news/20141006/410026.htm
未養過細種狗狗真係唔知咁多事, 見佢哋細細粒毛茸茸好似毛公仔, 真係好可愛好得意, 但養過就知唔簡單, 我自己養呢3隻豬, 就感覺比正常付出更多精力, 以前養BeBe同安安邊有咁難㗎!
佢哋細身所有器官都細係成正比例, 有咩病痛都係麻煩, 稍微用藥過重都驚害死佢, 好多獸醫都唔歡迎迷你狗狗啦!
平日照顧固然要打醒精神, 行步路都要放慢, 萬一踢到佢哋就有排煩, 仲有幼過筷子咁嘅手骨, 比佢哋跳上跳落跌斷就慘; 最攞命係要做手術都難, 又驚麻醉用藥過高, 仲要無羅絲等咁細配件嘛!
要養呢D細種狗狗, 尤其係重量得1.xkg果D, 真係要有足夠心理準備, 要付出比正常更多嘅心機同時間!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
