 |
| 相片連結 |
今朝早工人姐姐吸塵, 達達又緊張到猛轉圈猛吠, 而波波反應同慣常一樣, 無咩異常; 豆b又係咁逗波波, 但波波個心又只對達達單向, 對豆b嘅糾纏感覺極無奈, 豆b想玩吓都遭迴避, 真係淒涼 :D
達達對D吸塵聲好緊張, 無心機理波波喺身邊擾攘, 呢3隻豬就係咁一個扣一個, 咁先叫正常:)
豆b > 波b > 達達 ;)
一D日常生活瑣碎事睇落簡單, 但要求風平浪靜嘅日子都好難, 見3隻豬生活正常真係舒一口氣, 事關之前波波就真係咳到無晒心機!
一個平凡嘅vedio全無特別, 但我就願望可以日日如此 :)
今日決定帶佢哋出去曬吓太陽, 但無打算比佢哋落地, 雖然波波有好轉但唔想佢跑到索氣; 兩隻女一出去就自然會眈天望地, 佢哋都只求有得出去 :)
波波今日出去係乖到反常, 一聲都無吠, 咁情況我好驚; 無可能見一群細路騎住單車圍埋嚟仲嘈嘈閉, 佢都唔驚! 呢D情況一向係佢嘅死穴, 有咁多細路仔, 仲唔吠?
雖然呢種係我朝夕盼望嘅景象, 但因為波波有身體不適, 我就視為反應異常, 都係打道回府探吓熱, 睇吓體溫有無唔正常!
結果體溫正常, 望落又無唔妥當, 咁又係我攞嚟驚?
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
