寫blog自娛 (w/album)

相片連結

之前自己睇開有某幾個blog, 漸漸blog主好少更新, 慢慢就無再寫落去; 我發覺自己都好似有呢個趨向, 之前好似每日寫日記咁勤力, 開始慢慢疏懶落嚟, 我懷疑我是否可以一直堅持? 繼續寫落去?


寫作真係要靠一份熱忱去支持, 尤其我呢種好似寫日記, 生活上盡是無聊事, 其實有幾多特別事件要記低? 如果常有驚濤駭浪突發事, 真係唔值得恭喜啦!
但當自己想寫, 就有一份衝勁, 更無聊都會搵到趣味同話題, 反正我寫blog只係自娛, 又唔係做生意 :P
希望只係近來心情唔好, 思想好快行番入正軌啦!

天氣漸涼, 同3隻豬仔再去行街街係好嘅開始, 人同狗狗都應該出去行吓, 心情唔會再鬱住鬱住; 雖然波波一定會緊張, 要比多D時間佢, 但講到底佢都係鍾意出外, 見到我準備佢哋嘅坐駕, 3隻豬仔都係興奮到C啦!

都係從屋苑範圍開始, 暫時唔出街住, 等佢哋先習慣唔使接觸太多人同其它狗狗, 做好熱身準備先啦!
今日波波表現唔錯, 無咩點吠, 如果持續keep到, 好快可以離開屋苑行出去喇 :)
 
今日天氣非常好, 有風又有溫暖嘅陽光曬住, 3隻豬都非常享受出去跑跑嘅日子; 我都有陪跑, 運動吓都係有益處, 唔想有機會再去行山, 又再抽筋咁瘀 ;)


多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！