 |
| 相片連結 |
不覺又到咗十月尾, 呢兩個月嘅經歷特別多, 好似未準備好行番正常步伐, 但時間就匆匆咁過; 的確日子係唔會等你, 要提醒自己珍惜當下, 每分每秒都唔好錯過!
呢排總係負面諗法好多, 真係需要調整心態好好過, 藉住萬聖節又搵D攪作, 同3隻豬影過節相囉!
簡單做個背景, 無心情張羅, 但最重要都係3位主角肯合作喎!
一早起身侍候3位主子食過早餐, 我就開始做佢哋嘅萬聖節定食, 雖然年年如是, 無咩新創作, 但3隻豬都好鍾意喎 :)
今年嘅應節食品係西蘭花鹿肉南瓜盅, 杞子南瓜墩蛋, 雞絲羊菜凍, 仲有乳酪雜菜!
依家要影呢類主題相頗有難度, 唔敢出動零食作餌嚟誘導, 驚引發對孖胎打交, 呢兩隻豬爭食真係好難攪, 為免麻煩都係避開算喇, 但就咁硬要佢哋好好坐定真係幾難!
今次仲要放美食當前作佈景辦, 我幾擔心㗎, 一開打就慘!
幸好無驚無險順利過關, 除咗初頭達達不在狀態, 面口黑晒 ;)
影好相當然要慰勞3隻豬啦, 好多謝佢哋合作咁乖乖, 快D開餐喇! 呢個時候當然要將佢哋分隔, 唔敢自找麻煩 :p
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
