 |
| 相片連結 |
如果波波未能克服緊張嘅情緒, 我就避開令佢擔心嘅環境啦, 呢幾日見到呢隻豬出去真係好開心嘛; 今日帶佢哋出去, 只可以遊車河逛逛, 唔可以落地行, 可以出去曬太陽吹風都幾爽啊; 希望無嘢損害到隻豬嘅安全感, 佢慢慢會習慣!
一年當中適合帶佢哋出去嘅時間真係唔多啦, 夏天太悶熱又怕中暑, 冬天太涷又怕佢哋氣管收縮頂唔住;) 況且三隻豬年紀漸大, 我更要小心照顧啦!
之前同親友會面, 問起我3隻豬仔嘅生活習慣, 佢哋嘅評語係 - 呢D狗狗係如同殘廢, 搵嚟攪!
一般人心目中嘅狗狗, 就係可以看守門戶, 有意外可以保護主人啦, 就算係作為一隻寵物狗, 都至少可以陪伴主人登山涉水去玩卦?
正如上次我哋去大潭, 見到有人帶狗狗同行, 親友話下次我可以帶同3隻豬一齊玩, 我即時反應好大, 當然係洒手兼擰頭啦, 行幾個鐘? 我諗佢哋死得喇!
人都分好多種, 有身體強壯有體弱多病, 唔可以以偏概全啦, 要因應自己體質選擇生活方式嘛; 體能係可以鍛煉, 但體質先天條件局限就無得拗!!
一般人點會想像到一聲巨響都會嚇死狗吖? 事實就係有真實個案參考!
對於我呢3隻有如玻璃咁易碎嘅豬仔, 我就有必要多加保護啦, 所謂常理係唔可以apply喺所有事件上, 只有經驗係最可靠, 當你試過撞板, 就識驚啦!
唔熟悉每個狗種嘅特性, 即使知道一般狀況, 例如松鼠狗多氣管下陷同關節移位; 又或者唔熟知個別狗狗嘅特質, 憑想像去養一隻狗狗實在好難; 每個身體反應唔同, 體型大細分別係可以好大!
點會諗到我3隻豬仔, 除有齊松鼠狗特性, 仲同時有甲狀腺低下, 又中埋椎間盤問題吖!!
佢多多問題, 唔特別小心就係搵自己麻煩!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
