 |
| 相片連結 |
今日3隻豬都浸微泡浴, 我一定會攰死, 想修吓毛都無氣; 雖然用咗微泡機, 同往常比較係無得比, 但兩隻女都要全程用手傍住, 唔係達達唔肯坐低, 豆b仲要爬高都幾勞氣!
3隻一齊做真係要全日比晒佢哋, 同佢哋吹乾毛毛好似要成個世紀, 雙層毛嘅狗狗披毛又好似難乾D; 仲要配合佢哋早午晚3餐, 食完要休息夠先敢開始!
 |
| 達達會全程企住, 唔傍住唔肯坐低 |
達達固然要一星期浸一次, 天氣越嚟越涼, 佢毛毛越嚟越差係無得避, 只希望可以過渡到皮膚唔黑同無上年嗰種難聞氣味, 仲有新陳代謝好D, 如果甩咗嘅毛毛可以快D生番出嚟, 都於願足矣!
 |
| 波波最乖, 坐低全身浸到晒 :) |
波波無沖涼都有3星期, 本來打算比波波浸埋就OK, 見佢咳咳都已經停止, 再唔同佢清潔自己都頂唔住!
同波波做milky spa係最舒服, 佢享受時我又唔使勞氣, 只係吹乾毛毛時要用D心機, 佢好怕吹毛會左閃右避; 3隻豬沖個涼點會唔攰, 要不停咁氹住好徙氣 :)
 |
| 兩個女都係要企, 唔傍住點浸身? |
正常豆b沖涼係唔會距離上次只係一星期, 但見到佢毛質麻麻, 就同佢浸多次, 等佢血液循環好D; 呢隻豬最麻煩, 30分鐘浸浴時間, 要到最後5分鐘先習慣, 無再同我角力!
 |
| 又要修喇, 毛毛好亂! |
3隻豬剪咗毛無幾耐, 沖完涼又覺得好亂喇, 只係波波尚可接受, 豆b就無辦法啦; 每次都係背部剪得較好, 佢要瞓低嘛, 前胸真係亂咁嚟, 只可以靠估估吓, 剪得好極都有限!
唯一達達真係亂得好交關, 毛質唔好真係好大影響㗎, 要整齊好難; 佢本身都一注注咁, 我都唔識點攪!
 |
| 沖完涼開心晒 :) 波波唔知幾時甩咗下面兩隻門牙, 笑起黎好攪鬼呀!( |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
