 |
| 相片連結 |
一年中有咁好嘅天氣真係好少咋, 有陽光又有風, 唔濕唔熱好舒服, 點都要帶3隻豬出去好好享受吓喇; 時間過得好快, 一轉眼又過冬啦!
今日仍係於屋苑入面散步, 每次都揀選適當時間, 無咩人會落去行, 如果見到多人就唔落地啦!
比3隻豬活動短短20分鐘, 唔想阻到人家免麻煩喇!
今日好大風, 連波波都有D驚啊, 我都擔心會吹跌佢哋, 但3隻豬都係聰明豬仔, 佢哋會站穩腳步唔行, 或索性坐低等到風勢緩和再跑, 好叻呀!
今日都唔覺波波有吠, 可能見到少人啦, 即使同佢哋影相期間, 有人走過嚟睇佢哋都無發難, 希望波波一直keep到咁冷靜就好喇!
豆b同達達都好開心, 自己兩頭跑, 運動過後番到屋企佢哋好快瞓晒覺 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
