 |
| 相片連結 |
波波用咗3日順勢療法對付咳咳, 到今日除咗大清早仲聽到佢有咳過幾聲, 日間好似完全OK喇, 可能清晨有溫差導致佢喉嚨仔敏感, 繼續食多幾日藥希望可以無事啦!
中午再帶3隻豬出去, 比佢哋接觸吓陽光係好事, 如果情況許可就比佢哋落地, 唔適合就等下次啦; 結果係見到屋苑豎起咗"pest control"嘅牌, 咁就要遠離嗰處喇, 當然更加唔可以落地, 快快推住3隻豬嘅坐駕到另一處!
係屋苑入面兜來兜去, 推佢哋過去曬吓太陽飲吓水, 有風吹住都OK; 突然記起波波琴日好乖仔, 完全無吠, 今日見到有人行過佢身邊佢都無理, 咁不如同佢哋出街試試 :)
推住3隻豬去行吓以前常去嘅老地方, 好似成個夏天都無去喇, 感覺過咗成個世紀 ;)
重遊舊地, 要先觀察吓3隻豬; 睇睇有無緊張, 先做好遲吓同佢哋散步嘅準備!
真開心3隻豬仔都好平靜, 尤其係我最擔心嘅波波豬, 見到其他人都好少理 :)
要再試多幾次, 唔想好心做壞事, 有咗不良印象再做調節就難D; 希望波波情緒真係有好嘅改善, 而兩個女就要慢慢鍛鍊番肌肉, 等佢哋可以行得好D; 我會努力續步誘導, 希望一切順利!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
