 |
| 相片連結 |
.JPG)
今日天氣頗涼, 早上幫豆b著番件薄衫, 呢隻豬出名怕冷, 涼少少就有鼻水, 都係保險D唔好講玩!
達達今日浸微泡喇, 呢隻女好乖, 唔似豆b咁七上八下; 但為咗可以浸到背脊, 要佢坐低就有D麻煩, 我要用雙手傍住佢左右啦, 浸微泡浴最叻都係波波喇!
浸完微泡達達嘅毛毛好鬆呀, 好似隻肥熊仔咁啦:)
雖然佢毛質係差, 尤幸仲未見有黑色素沉著問題, 我希望今次有微泡機幫助下, 可以跳過呢步啦!
3隻豬近來相處算融洽, 無太大麻煩, 除咗有時對twins會爭嘢玩, 我就最怕佢哋為咗爭食打交, 真係可以打到難分難解㗎; 所以依家每逢餵食我都金睛火眼, 為咗避免呢個麻煩; 越打 - 關係會越差, 更怕成為習慣!
呢兩隻豬又好攪鬼, 其餘時間又可以一齊玩, 仲好到糖黐豆狀態; 當初曾有過擔心養埋豆b究竟啱唔啱? 我切實感到夾唔夾原來真係問題好大!
當日接豆b番嚟, 達達有過唔開心, 到後來又到波波妒忌喇; 幸好情況有續步改善, 當然過程緩慢, 但只要比D時間, 關係會慢慢好轉啦!
網上常見有因為狗狗相處困難嘅問題, 主人就棄養其中一隻喇!
希望大家都比多D時間, 千萬唔好一句唔夾, 就棄養狗狗, 咁狗狗好慘!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
