相片連結 |
近月"煩"忙, 實在無心情打理佢哋, 只做番一般清潔程序, 已經好耐無修剪毛毛喇!
早幾日見達達D毛亂七八糟已經抵唔住, 無奈佢D毛質變差我又唔想攪佢啦, 但唔修剪吓又唔得嘛!
終於唔理咁多, 用熱毛巾幫佢抹吓就落剪; 修咗毛嘅達達係整齊咗, 應該好睇咗卦:)
波波D毛係最難處理, 實在太幼太軟喇, 如果一長塌咗落嚟就成個潦倒漢啦; 今日唔敢同佢沖涼, 事關佢仲有咳咳, 本來想等多幾日沖涼時就幫佢修剪啦!
但真係越望就越覺得難睇, 心急嘅我唔等喇, 都係用熱毛巾抹吓就開剪啦; 雖然自己唔係專業, 但都覺修得唔錯, 因為波波合作就好做好多喇:)
今日豆b浸微泡浴, 呢隻豬同往常一樣, 係極度唔合作㗎; 呢隻豬真係曳得淒涼, 自從我換咗個浴筒, 佢就成日要爬高, 我要不停咁將佢禁低, 就係咁不停企高坐低好似做運動 :(
同豆b剪毛真係大挑戰, 佢一定表演軟骨功, 要我剪得好真係發夢; 之前曾經帶佢出去比Y姐姐剪過毛, 到後來D姐姐上門都有過投訴, 同呢隻豬剪毛好考功夫!
我諗如果我帶呢隻豬出去美容, 又是旦去一間美容舖, 唔好彩遇啱D黑店, 呢D咁唔合作嘅狗狗, 實比人打到要見報 :(
對我嚟講同佢哋剪毛話難唔難, 但要剪得好就講撞啱, 嗰日佢哋乖乖合作就好辦; 好艱難今日終於3隻豬都叫做剪好, 算係見到有剪毛前後嘅分別, 就唔敢再要求咁高喇:)
剪毛前 剪毛後 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持!