 |
| 相片連結 |
今日無帶3隻豬出去, 波波又有事, 琴日已經有幾聲咳, 點知越夜越咳得犀利 :(
我已經第一時間用順勢療法, 餵隻氣管藥比佢, 但琴晚半夜3點幾, 佢咳到死!
咁情況我邊有得瞓吖, 即刻起身, 拎個霧化器比佢聞氣!
今日波波仍然係咳得好犀利, 睇嚟單一隻藥唔多夠力, 我再配多兩隻一齊試試, 當然都係針對上呼吸道問題啦; 食咗兩次開始好D, 但一刺激佢都係咳到死; 工人姐姐一入房佢就緊張到咳, 開餐興奮又嚟, 咁我點敢帶佢出去!
傍晚明顯症狀減輕喇, 雖然都仲係有咳, 但唔密集, 如果平靜D就好似完全無事; 當然我今日都幫佢做過穴位按摩(其實唔知是否按啱正確位置), 但我再用艾棒掃過所有穴道前後, 點都會hit中D卦 :p
希望順勢藥幫到波波啦, 真係唔想又要用抗生素先OK!
晚上見佢精神好咗, 胃口無變化, 仲識撩達達玩, 咁都無咁驚喇; D豬仔一咳我就驚係心臟病, 總係會聯想去最差嘅問題, 皆因太多狗狗都係差不多呢個年紀出事!
我已經盡晒能力做我做得嘅事, 但人嘅力量真係有限, 只可嘆句世事未必能盡如人意!
兩個女近來心情唔壞, 豆b仲有興趣拎個玩具自己玩, 見佢咁自得其樂我安樂晒!
達達都好勇猛, 呢排好似恢復到未出事狀態, 夠膽從廳行入房間, 為免再整傷又麻煩, 為達達公主鋪上長地氈比佢慢慢行, 唔想佢暴衝咁跑; 達達都係有進步, 佢依家變咗步步為營咁慢慢行, 再無喪跑喇 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
