今日係精精嘅忌辰, 佢離開咗5年喇; 精精係唯一嘅一隻狗狗, 喺佢離開嘅時候我無陪伴左右; 每次諗起我都感到遺憾 :(
朋友安慰話係精精貼心, 唔想我送佢離開會傷心, 我唯有領受精精呢份心意, 將佢嘅好意銘記於心!
兩星期前參加完姐姐安息禮拜, 心情稍平復落嚟, 姐姐今次離去, 帶比我同身邊嘅親人有唔同體會; 另一姐姐佢話, 原來生命嘅意義係創造美麗嘅回憶!
我會好好記住同姐姐過去嘅一點一滴, 寶貴嘅少年十五二十時, 嗰D開心同失落嘅日子; 仲會記住彩虹橋上嘅5寶, 送比我珍貴嘅回憶往事!
回想精精在生時, 即使佢初時性格抑鬱, 但往後都有改變咗D, 我哋一齊仍有共渡過唔少開心嘅日子, 就等我記住呢D啦!
 |
| 好多互動精精漸漸有參與! |
 |
| 曾經一度係5隻狗狗嘅大家庭 |
近呢個月嚟, 好似好多狗狗離世, 總係好似離唔開親人離別嘅話題 :(
狗狗離世嘅家庭, 有認識嘅亦有唔識嘅狗友; 但最心痛都要算係呢宗事例!
【為狗跳樓】北京狗病逝 女主人踩摺凳墮樓
一名40歲姓胡女子，前兩日因飼養10多年的北京狗病逝，鬱鬱不歡，走到黃大仙樂富邨宏逸樓，寄住在女友人的家中訴心事。
凌晨3時許，疑她未能放開，留下遺書提及愛犬死去、生活逼人及活得好辛苦等，在9樓走廊用摺凳墊高，一躍而下，撞到地下一輛小型旅遊巴後再反彈地上，途人發現報警。女事主重創送院搶救，目前情況危殆。
http://hk.apple.nextmedia.com/realtime/breaking/20141010/53000606
事主係FB上嘅狗友, 我睇過佢唔少留言, 對佢唔算一無認識; 佢選擇行上呢條路, 大家都好惋惜!
事主留醫ICU兩日後最後仍反魂無術, 終於如願追隨佢心愛嘅狗狗, 於彩虹橋上相守永世!
狗狗嘅離去等同失去親人打擊一樣咁大, 我哋深愛狗狗嘅一定認同, 但我哋一早知道佢哋係無可能陪伴自己走畢全程, 但求可以相伴自己快樂過已經係好幸福!
失去摯愛當然傷心, 不妨痛快大喊一場, 有需要協助可以尋求輔導, 但選擇行呢步我好難認同!
離别總有時, 縱然係會有不捨會心痛, 但無奈都祇可以接受, 命運 - 似乎上天一早已經編排好 :'(
希望失去親人或親愛狗狗嘅都可以從呢首poem有所得著, 佢哋雖然離開咗, 但都想我哋好好生活, 慢慢淡忘悲痛, 要深信我哋總有日會重逢!
- Miss Me But Let Me Go -
