2014聖誕 (w/album)

相片連結

唔可以比工人事件影響我嘅心情, 反正一切都塵埃落定, 係好係壞各安天命啦!
又一年同3隻豬過聖誕, 今日係平安夜, 祝願佢哋平平安安, 咁我就唔使煩, 其他事可以慢慢攪啦!

今日天氣暖咗D, 可以同佢哋除咗件衫, 戴上我做嘅手功圍肩影主題相喇, 巴巴閉閉攪一餐分散D負能量, 叫自己唔好再為工人煩, 其實無大不了啊!

波波豆b都算合作, 笑笑口無兩頭走, 達達.....真係全無例外, 毛毛變差就唔笑喇; 可能某方面有唔妥真係影響到佢心情差, 今年係第3次甩毛, 所有跡象無變化, 一樣跟住之前嘅軌跡行;  希望呢個脫毛期快D過去, 達達快D開心番!

都祝願彩虹橋上嘅5寶聖誕快樂啊!

講開工人, 剛睇到呢段文章, 同大家分享吓, 外傭係咪真係咁令人咁心淡?

 

我一直都係用菲傭, 但有過一次用印傭經驗, 因為當時照顧媽媽易構通, 我想試吓, 唔使我晚晚放工番嚟同菲姐惡補廣東話!

當時呢個印傭, 喺媽媽過身後話想放假返家, 佢話媽媽過咗身佢好驚想行開吓; 當時見情況許可就順佢意喇, 但佢就一去無回頭, 到期都無返, 打電話問佢, 佢仲話想返架, 但無錢去機場, 屋企又有困難, 叫我匯款比佢搭車返!
當時我仲去問其他印姐點匯錢去, 話佢無錢由屋企去機場, 點知其他印姐瞪大晒眼, 話只要大概港幣$20, 無可能啦, 話我被騙喇!
因為佢話返去呢次後滿約唔會再返老家, 當日我有比來回機票佢, 咁佢唔使買機票都唔需要咁多錢啦,  我又信喎!

及後清理媽媽遺物, 發覺唔見咗成萬蚊, 老人家就係鍾意將D錢存喺D餅乾罐啦, 可能印姐見過, 媽媽過身後佢拎咗就急急走喇!
當時無證據, 但有過懷疑, 佢唔返嚟就感覺有古怪; 依家睇番呢篇文章, 就令我諗番起晒!
印姐係我第三個家傭, 因為之前兩個菲姐紀錄良好, 我無諗佢哋會咁壞, 及後再用嘅菲傭, 真係每況愈下, 越嚟越差! 
  
要外傭敬業樂業真係咁難? 點解點解? 依家世間上仲有無你敬我一尺, 我敬你一丈㗎? 原來已經無你好我好呢隻歌唱, 人性點解會扭曲晒?

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！