 |
| 相片連結 |
又訂做咗一張新地氈, 好似中毒咁, 訂到上咗癮 :)
其實真係有好多種類嘅客制化產品,一開始我咩都有興趣做, 最初係做D小飾品, 用佢哋影像做吓電話繩, 手錶, 鏡盒等等.....
後來就開始做D有實際用途嘅, 有做過杯、 手袋、 仲有紙巾套.....
不過做咗兩個杯都比人打爛咗, 真係唔開心, 以後都唔再做打得爛嘅產品囉!
今次做地氈最開心, 好瘋狂啊, 一做再做 ;) 不過呢種產品有實制用途！我一共做咗3款地氈, 但有4張喎!
最初做嗰張顏色最柔和, 好軟熟, 但質料單薄, 我都預咗唔噤磨, 但無諗過咁快衰咗; 反映咗意見比店家, 用嗰種料當掛畫就OK, 真係要用, 就唔多OK喎!
 |
| 第一張質地差但顏色柔和！ |
之後店家話嘗試用隻新料, 咁我又試吓效果如何, 再做過 :)
結論係質地較結實, 但顏色唔靚喎!
 |
| 呢張顏色唔靚！ |
店家好好人啊, 幫我做番第一張嗰款送比我, 話當係3隻豬嘅禮物, 因為初做, 質料易爛佢無諗過; 呢D良心店家好少有啦, 我話付番費用又唔肯收, 真係多謝晒囉!
不過可能改咗用料, 隨後果兩張都無包邊, 無第一張咁精緻, 唔通改良咗質料做唔到包邊效果?
 |
| 從新做過嘅地氈, 質料好似較噤磨! |
我好似有提起過, 覺得有包邊靚D喎!
今次又再做過, 哈哈越做越多, 我一直都有用地氈放係圍欄門口, 唔係達達唔敢踏出嚟囉; 只不過今似用咗豬仔嘅相嚟訂做, 每日望住獨一無二嘅私家氈, 好正喎!
唯一唔方便係我只係比3隻豬用, 佢哋又瞓又踏都OK, 但其他人唔准踏上去, 用脚踏我嘅寶貝我同佢死過, 哈哈!
 |
| 一直都放地氈比達達用! |
今次用咗張抽像畫, 呢個設計我好鍾意, 電話套都係用呢款抽像派做咗 ;)
今次拎呢張地氈又有驚喜, 顏色做得唔錯, 最開心係見到有包邊囉!
店家呢種經營態度真係超讚, 接受意見不斷求進步, 衷心祝願佢越做越好, 生意興隆!
 | |
|
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
