阿茂整餅 (w/album)

相片連結

又一個寧靜嘅星期日, 今日做一個我最唔善長嘅項目, 學人阿茂整餅 :)

我一向都唔鍾意烹飪,  為咗幾隻豬就開始鑽研湯水, 搵D人、狗都啱用嘅湯水食譜; 又破例洗手作湯羹, 為佢哋做homemade食品!

每逢過節都照例為佢哋準備好應節食物, 以前會訂購, 近來就嘗試自己親手做; 當然同專業店舖無得比, 但就可以掌控用料, 叫做應吓節意思意思啦! 

3隻豬牙仔都差晒喇, 近來已經唔肯咬硬物, 做餅乾佢哋一定唔吼, 唯有試吓改良少少, 做好似我哋食嘅雞蛋仔咁, 睇吓是否可行!
結果做出嚟好醜樣啊, 但味道都唔錯嘅, 幾香 :) 
最重要係3隻豬無嫌器, 好賞面嘛, 肯食就OK啦!

　

今日提早做冬, 同老公阿女出去食飯, 都係就住星期日啦;  本來今日都想影埋過節主題相, 都唔夠時間!
雖然諗佈置簡簡單單, 放件道具算喇, 因為睇過一篇關於攝影嘅文章, 有提及放太多佈置會暄賓奪主, 太雜亂效果仲差, 難突出主題嘛! 

3隻豬先係主角, 要氹佢哋乖乖坐埋一齊都要一定時間, 唔可以強迫啦, 都係留番過兩日再攪!


多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！