長時間著衫 (w/album)

相片連結

呢兩日感覺無咁凍, 琴日同3隻豬浸微泡浴, 真係好耐無沖涼, 上次波波發燒真係嚇得我好驚, 好怕冷親又病!
琴日浸浴都好大陣像, 又暖爐又風機仲要加埋風筒, 兩隻手一齊舞動, 要快快手吹乾毛毛!

一路浸浴我都keep住將熱水補充, 雖然話用微泡機可以keep住水嘅溫度, 但始終都係有分別,  我都係要補; 我用呢個浴筒同膠箱唔同,  只要拔咗個活塞就可以將水更換, 一路放乾淨水一路流去D舊嘅水, 水溫就可以keep到, 仲乾淨好多!

 
今日好似比琴日仲暖和, 同佢哋除咗件衫鬆一鬆, 雖然每日我都有幫佢哋除衫梳毛,  但琴日睇到有隻狗狗嘅皮膚劊爛到嚇死我!
天氣凍都唔好長時間著住衫, 要有時間比毛孔疏通, 狗狗係需要皮膚通風㗎, 唔係會影響到毛孔閉塞, 失去衡溫作用, 甚至甩毛!

我一直都會喺中午等佢哋食完午餐就除衫, 食飽飽會暖D嘛, 當然都有開住暖爐, 要將室溫控制好;  琴日去買多咗個放濕機放冷霧, 開住暖爐空氣真係較乾燥, 對佢哋氣管唔好, 不過記得要用過濾水放噴霧!

工人姐姐上星期日放假返嚟, 特然又叫我比佢留低, 連續呢幾日不停咁疲勞轟炸我, 今日仲講到自己出錢買來回機票, 但求可以留低, 佢話越嚟越唔捨得離開3隻豬仔!
一張機票又點會影響咁嚴重? 佢真係傻! 講真雖然佢做嘢麻麻, 又態度衰咗, 但相處兩年裡面又點會無開心過? 諗起要分手我都有心痛囉, 投放感情落工人身上可能係我傻!
但我真係怕咗, 我怕心軟吃虧嗰個又係我; 無謂喺同一件事上再糾纏,  唔好再攪我!

佢不停同我講會miss我, 上個姐姐都係一樣,  都係話會掛住我, 走咗仲返嚟探我又成日有phone call, 但另一方面又不停對外發放假消息,  又話我唔好喎!
點解個個姐姐做戲都咁好? 佢哋上嘅training school, 係戲劇科定係做家務?!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！