好幾日無update個blog, Ka問點解咁靜, 問吓豆b情況, 好多謝佢關心, 但我都唔知有咩好再講!
每次都講住佢嘅病況, 真係滿滿負能量, 唔好話大家唔想再睇, 我自己都唔想面對呢個狀況 :(
早幾日豆b精神差咗, poo poo後幫佢清潔見到廁紙有血絲, 我檢查過又唔見有異狀, 可能係擦損咗卦; poo poo係正常嘅, 照常理咁情況係唔需要擔心, 但今日嘅豆b, 每一個細微嘅唔正常, 我都會唔安樂!
已經叫自己隨遇而安, 點唔願意都要接受現狀，可惜我都係放唔開; 見佢短短幾個月間毛髮大量脫落, 就反影咗佢嘅情況, 點叫自己加油? 點叫自己唔好絕望?
已經作咗最壞嘅打算, 從澳洲再訂順勢療劑, 今次訂咗最唔想面對嘅藥!
Transition Ease -
Use this homeopathic formula to give comfort for all animal species to let go and be peaceful weeks or days leading up to their transition time.
如果到咗嗰個情況, 我希望一切嚟得平靜安詳, 當然目前係唔想用到呢隻藥, 但先作準備較理想, 畢竟療劑訂購要越洋, 到要用時再等幾日都唔想啦!
雖然做呢D準備真係好心傷 :'(
澳洲嘅順勢療師係唔會睇到我呢個blog, 但我都仍然好想公開咁講, 好多謝佢哋嘅幫忙, 用心再為豆b研究新嘅配方; 每次我收到佢哋嘅回覆, 都會感動到眼淚盈眶, 字裡行間嘅關心, 提點, 總比到我正能量, 令我有氣力再迎風而上!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
