 |
| 眼仔有返D神采! |
見到豆b有D變化, 精神食慾都有進步, 雖然餵食都係要用針筒, 但feel到佢有想食嘅意慾 :)
係因為我同佢傾過偈, 表達咗我嘅諗法? 佢自己考慮清楚決定同個病鬥法?
還是用咗布緯療法, 真係有神奇療效? 見到一般人都話食1星期就見到功效, 到今日為止, 豆b食咗共6日, 今朝早見佢食得好快, 佢真係肯配合呢個療法??
現階段我係用4:1嘅做法, 怕佢哋腸胃未適應, 循序漸進安全D啦; 食咗1星期後會開始用2:1, 如果效果良好, 打算每日餵多一次比豆b, 反正到目前為止, 佢最鍾意食呢樣嘛!
無論是否有療效, 呢個係容易代謝嘅蛋白, 唔會做成佢肝腎太大負擔, 佢鍾意食我好開心, 梗係滿足佢啦!
網上睇到有貓貓狗狗抗癌嘅病例, 去到好晚期都見到有良好效果, 我何妨同豆b博吓, 反正到呢個階段都無得輸啦!
今次我唔再抱熱切嘅期盼, 無論結果好壞, 我都已竭盡所能去幫豆b, 無遺憾喇!
早幾日嘅低氣壓, 喊過就發洩晒, 為咗呢隻豬豆, 已經流咗過去咁多年加埋嘅眼淚, 我都就快唔認識自己喇 :)
抖起精神向住新目標, 從新出發!
 |
| 精神真係唔錯 :) |
布緯療法對貓狗嘅療效:
http://www.yimho.com/1243.html
http://www.yimho.com/2018.html
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
