 |
| 咁短時間極速瘦晒, 神情喑淡 :'( |
豆b情況唔好, 全身無晒力, 呼吸有D怪聲; 我好慶幸自己訂咗順勢療劑"Gentle passing", 慶幸自己有勇氣面對呢個絕境, 琴晚終於第一次用上呢隻療劑, 因為療劑都仲有另一用途, "General Support for Relaxing"!
回想決定訂呢隻療劑嘅時候, 內心係有過掙扎, 好似買呢隻藥, 就係判定豆b死刑 :(
呢D都係心痛嘅決定, 我真係唔想自己頭腦咁清醒!
琴晚深夜, 全家都熟睡, 環境好寧靜; 我一個人陪住豆b身邊, 同佢輕輕按摩, 用心靈交通叫佢聆聽; 我認真傳達我嘅意願, 叫佢選擇自己要走嘅路, 因為媽媽唔知佢真實嘅feeling!
 |
| Video |
如果佢覺得可以繼續, 就認真配合我為佢選嘅療程, 我會陪佢過渡難關, 嘗試戰鬥宿命; 相反, 如果佢想過新生活, 想踏上新嘅旅程, 媽媽亦會支持佢嘅決定, 唔需要牽掛媽媽, 只要佢過得好, 媽媽就好高興, 好感激!
豆b有D反來覆去瞓得唔安樂, 我拉開櫃桶, 第一次為佢滴上呢隻療劑 - transition ease!
可能藥力有效, 豆b終於瞓得好安靜; 我唔可以確定豆b依家嘅病情, 亦唔打算再帶佢去獸醫院, 歷盡折騰去嘗試續命, 如果日子要辛苦咁過渡, 我寧願佢遠離痛苦, 舒舒服服無牽無掛踏上光明前程!
生命不在乎長短, 我唔想佢久延殘喘拖住一身重症, 唔想佢比病痛折磨到不似狗形; 同佢傾完後我覺得頗輕鬆, 雖然亦極心痛, 但願豆b唔好有任何牽絆, 自由自在去決定佢想要走嘅路程!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
