 |
| 豆b一夜間好似變咗個老婆婆, 有病真係折磨 :'( |
豆b琴日情況好差, 完全絕食, 唯有force feed啦; 呢段日子已來, 已經成為習慣, 我餵係唔緊要, 但佢唔肯吞, 要點辦??!
每次餵佢都咁唔合作, 從嘴邊流返晒出嚟, 整到D毛污糟邋遢, 要洗洗抹抹, 我開始抆喇; 我唔係一個好媽媽, 明知佢係身體有病先唔想食嘛!
照顧一個長期病患壓力好大, 身心煎熬好難捱!
我唔係怕麻煩, 但抹到嘴邊前頸毛都甩晒, 真係好慘; 重點唔係美觀問題, 我唔會傻到驚佢唔靚女啦, 我係怕再咁落去抹到皮膚損晒; 雖然我已經用濕綿花輕輕咁抹, 然後用紙巾輕輕印乾, 但每日幾餐都要咁做, 皮膚點抵受到啊? 好心煩!
我輕聲咁問豆b, 係咪想放棄? 係咪唔想再陪媽媽喇?
琴晚豆b嘔啊, 精神好差, 仲3次尿尿喺床仔, 呢個唔係好預兆啊...
我覺得佢捱唔到喇, 見到佢病容滿面, 我眼眶紅晒; 我好明白如果時日到咗要識放手, 但內心有滿滿嘅不捨啊 :'(
豆b嘔過後精神好返D啦, 仲到廚房門口張望, 但我唔敢再加重佢胃嘅負擔, 只係小食多餐咁餵D粥水, 等佢休息一晚, 希望聽日會好返D啦!
琴日上網睇到一篇有關腎病嘅解答, 好似好吻合豆b嘅情況, 呢一點就從未有過一個獸醫有解釋過喇!
尿蛋白丟失的越多病情就越嚴重嗎？
蛋白丟失的多少，與病情的輕重是不成正比的。腎小球病變輕的患者，尿蛋白不一定少，如微小病變型腎炎，腎臟病變輕微，但每日尿蛋白量可達幾克甚至十幾克。相反，一些急進性腎炎，其病理損害嚴重，但每日尿蛋白量可能只有幾克，有時（比 如非少尿性腎衰竭）尿蛋白量更小，蛋白尿輕微。呢個解釋係吻合點解豆b嘅驗血報告, 腎臟主要指標crea仍屬正常, 但又有大量蛋白尿啦.
希望豆b真係呢個情況, 係"微小病變型腎炎, 腎臟病變輕微, 但每日尿蛋白量可達十幾克" 咁仲有D希望, 我又再度打起精神, 陪豆b作戰到底啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
