豆b似乎有轉好, 呢兩朝都肯食蛋同肉, 不過呢隻豬向來情況反覆, 已經唔敢再抱希望, 平常心面對就好.
見過佢喺鬼門關前踱步, 再好...又會有幾好? 太大嘅衝擊真係受唔到, 唔敢再抱虛空嘅幻想, 最好見步行步!
聽日開始轉用布緯療法新formula, 本來打算比例做2:1, 但再三搵資料, 原來慢性病嘅比例同癌症係有分別, 5:2嘅茅屋芝士同亞麻籽油混合比例係最好!
嚴浩秘方入面講到, 就算做得非常地道嘅布緯食療, 大約亦只有50-60%嘅蛋白質同亞麻籽油會結合一齊, 其中仲有40-50%嘅蛋白質同亞麻籽油各自懸浮喺布緯食療中standby, 肝膽胃病嘅患者服食咗含太多無結合成嘅亞麻籽油會增加肝膽胃嘅負擔.
反正都係做, 就一於跟到足, 本來都有D擔心, 每日服用會對豆b嘅蛋白尿病情加重, 畢竟都係高蛋白質嘅食物; 但竟然比我search到有蛋白尿嘅患者, 用布緯食療竟然醫得好!
http://www.yimholife.com/zh/%E8%9B%8B%E7%99%BD%E5%B0%BF%E6%B2%BB%E5%A5%BD%E4%BA%86%EF%BC%81/
當然每個身體反應都唔同, 人哋適用豆b未必都有用, 但最少知道有蛋白尿都無壞影響, 反正3隻豬都鍾意, 咁就更放心食用 :)
試幾日呢個比例去做, 如果豆b接受到, 就開始試一日兩次, 希望豆b食得更好啦; 最安慰都係見到佢哋開開心心搶住食要醫飽個肚, 目前都祇係盡做!
人同狗狗口味真係唔同, 我覺得勁難食, 真係想嘔吐, 但今日無落honey, 豆b一樣食得好好!
近幾日好down, 無同3隻豬照燈喇, 做得點好都好似做唔啱, 好灰啊; 不過阿女都鼓勵我, 話我已經盡力做好媽媽, 佢哋已經好幸福; 加咗油琴晚有氣力再撐, 同3隻豬照燈, 等佢哋更好血液循環!
我觀察真係無錯, 波波呢兩日唔開胃我都覺得有唔妥, 個心有擔憂佢係咪病咗, 還是係屋企近日氣氛, 影響咗佢情緒唔好; 同佢探熱係正常溫度, 咁會唔會又係肌肉疼痛? 琴日已經照燈再按摩!
果然今早終於得知佢唔開胃嘅原因, 佢一早就嘔吐, 嘔出嘅係白色痰液泡泡; 呢兩晚都聽到有兩聲咳, 希望嘔咗痰後會舒服, 暫時禁食只餵粥水, 再比順勢氣管藥, 希望佢休息過後會好!
點解每次都唔可以單拖, 係都要個個都唔妥? 團團轉侍候完一個又一個, 有虛脫嘅感覺!
多謝V, 送比我呢本書, 我都希望用holistic healing可以有miracles :), 我會比心機細讀, 希望有所領悟!
之前從台灣訂購嘅書亦都收到喇, 睇多D書為自己心理準備做多D輔導!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
