感覺波波眼仔越嚟越差, 之前睇過眼睛專科, 診斷係有先天白內障, 還好醫生話呢種白內障唔會變大, 唔使用藥; 話就咁話啦, 我都係驚, 已經即時比佢用順勢藥, 希望可以阻遲眼睛衰老現象; 轉眼已經食咗療劑半年, 但唔覺有明顯進步, 3隻豬當中波波用順勢藥吸收最弱, 都預咗唔一定幫到, 咁當然有可能唔食, 情況仲糟糕, 呢個真係天知道!
早前又試過用天然方法滴castor oil, 都堅持咗兩個月, 但效果都係見唔到, 咁唯有再行過另一步啦!
每朝早都堅持做布緯食療比3隻豬仔服用, 感恩佢哋都接受到, 如果要強迫去服用, 吸收都可能有唔同:)
自從同豆b心靈有過溝通, 跟住用布緯食療, 豆b食慾似乎逐步恢復, 一連幾日都肯自己食肉肉; 雖然菜飯都仲係要打糊用針筒, 但無流晒落毛毛, 已經係大躍進!
希望豆b會堅持, 希望豆b有勇氣, 只要佢唔放棄自己, 幾困難我都會陪佢行落去!
達達豬尿尿嘅PH值有D反覆, 日日都有波動, Acidic vit C唯有keep住比佢食, 暫時唔敢停用; 還好呢隻豬精神食慾都良好, 咁暫時唔再庸人自擾, 我體內個摩打都要稍作停頓!
原來堅持係必須, 行前未必係絕路, When a DOOR closes, a WINDOW opens!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
