布緯療法

布緯療法唔係一個治療疾病嘅新方法, 我早有所聞, 用於治療癌症有一定功效, 但近日有狗狗健康群組提倡除咗治療作用, 其實對健康保養都唔錯㗎, 一言驚醒, 可以幫豆b喎; 開始揾資料, 睇睇對豆b嘅病有無幫助啦, 如果對豆b係有好處, 我係唔會放棄嘗試, 3隻豬仔就一齊食啦!

搵嘅資料越多, 嘗試嘅慾望越大, 布緯醫生研究指出, 布緯療法可以幫助身體排毒、提升免疫力, 除咗治療癌症有好嘅效果, 好多慢性病如糖尿病, 肝腎病變, 心臟病甚至皮膚病, 效果都好好㗎, 咁我一定要為豆b做啦!

茅屋芝士含有 High Sulphur Protein, 同亞麻籽油混合後, 可以使到亞麻籽油中嘅油溶性 Omega3脂肪酸轉化成水溶性嘅脂肪酸, 身體就更易吸收啦, 呢個係極優質嘅蛋白, 豆b日日食都唔怕; 布緯博士發現, 進食此療法約三個月, 細胞中恢復血紅蛋白, 體質大大改善啊!

 

布緯食療係有規條依從點去做, 如果制作上有錯誤, 自然效果就無咗喇!
首先茅屋芝士要打滑,  用電動手持攪拌器較容易做到, 因為茅屋芝士密度大, 又唔可以加水, 打時比較難; 然後就混和亞麻籽油成為乳脂狀, 兩者無分離完全混合為一體就做好喇!
混和亞麻籽油最好係手打, 大概1-200吓上下!
既然要做, 就每個步驟我都跟足, 希望得到預期效果係最好啦 😌

每隻豬一茶匙

未加油嘅cottage cheese可以份量打多D備用,
不然3茶匙無可能機打, 手打又做唔到咁滑

食用布緯療法最好空肚, 而最重要一點係要即食即做, 15分鐘內食完, 避免氧化咗效果唔好; 想懶D一次做多D都唔得, 咁唯有一早起身當做運動, 做好後比3隻豬仔早餐前服用, 將早餐時間押後, 比身體吸收時間充足.
雖然係有D繁複, 但都唔算難做, 本來想自己都食埋當保健, 反正做咁少份量都要勞師動眾; 但試咗一次.....我真係頂唔順  😜
還好3隻豬仔都肯食, 咁都算好 😌

https://www.youtube.com/watch?v=57qHyY9HL9o

http://hk.apple.nextmedia.com/supplement/food/art/20120328/16196221

http://www.organicwe.com/shop/index.php?route=information%2Finformation&information_id=36

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！

聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！