達達真叻女, 不枉我花心機餵順勢草本消炎藥比佢, 今日再用試紙測試, 已經無事 :)
不過今次即使一切算正常, 都唔敢咁快停藥住, 之所以達達反覆有發炎嘅顯示, 係我之前太輕視, 太快停藥所致!
達達呢個成功嘅例子, 証明咗順勢療法嘅好處, 不過我覺得要個病為時未晚時, 醫治較容易, 去到豆b咁嚴重, 效果頗參差; 唔可以話完全無幫助, 事實豆b呢5個月來全靠順勢療法支持, 但效果是否一如預期, 就見仁見智喇!
反正傳統西藥豆b食咗後咁辛苦, 依家用順勢療劑都叫做無乜突發事,平平穩穩咁過日子, 我好滿意!
呢個病又唔會好, 但求keep到好似依家咁唔辛苦, 於願足矣 :)
豆b呢幾日算胃口幾好, 可能用咗 custom homeopathic poor appetite formula, 當然都要就住佢胃口去蒸肉, 呢隻女依家非常picky; 好多時蒸好雞肉唔食, 又要即時再蒸牛肉, 有時連換幾款肉佢先滿意, 真係忙得可以!
有病胃口差我理解, 都唔可以怪佢挑食難服侍; 經過豆b呢個病, 我對呢3隻豬仔有曳曳嘅表現, 接受得好樂意, 識曳曳扭計原來係好事 :)
下面嘅video, 見到兩個女識打交, 我真係開心笑晒好變態 :D
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
