 |
| 開心豆 |
日夜煎熬, 漣漣淚水, 我依家先知原來我都可以有咁多眼淚 ;) !
雖然豆b仍喺我身邊, 但我預備好佢隨時會離去; 打開電腦見到佢往日燦爛嘅笑容, 對比起今日嘅病容, 又忍唔住奪眶嘅眼淚 :,(
今朝一早如常做布緯食療, 叫自己用平常心面對, 眼淚會做成豆b嘅牽絆, 佢見我咁傷心, 自己就算辛苦, 都唔忍心將我丟低啦; 我明白, 我當然洞悉呢一切, 多謝朋友嘅解釋, 都多謝各位安慰, 祇係....生離死別呢個課題, 係咪可以咁洒脫放得低?
深呼吸, 再深呼吸, 唔再流眼淚, 忍忍忍, 咬緊牙關將眼淚流向心底!
做好布緯, 放三隻豬仔出嚟, 好感恩3隻豬仔都食得開心, 最難得豆b都肯自己食唔使強餵; 呢個咁難食嘅recipe其實好難哽, 我決定混合少許raw honey撫慰吓佢哋嘅味蕾!
豆b經過一晚休息較精神, 我今後每晚都會用療劑, 等佢可以好好咁安睡!
今日豆b情況無琴日咁壞, 係咪佢都想戰鬥到底? 唔甘心比病魔打低?
 |
| 休息夠精神ok |
一波未平一波起, 達達又縮起手仔, 抽筋又嚟; 幸好今次我有買咗順勢藥滴劑, 唔使將丸仔又溶又口餵; 好彩達達呢種係肌肉嘅收緊, 應該同個腦無關係, 我見佢縮起前手低聲呻吟, 我就發晒軟蹄, 但都要挺住輕輕將達達公主安慰!
偉大嘅順勢療劑, 唔使一分鐘達達縮起嘅手仔已經可以放返低!
呢個刁蠻公主都好多問題, 剛叫做攪好膀胱尿道炎, PH值算正常, 抽筋腳震又出嚟, 唉!
今日波波胃口麻麻, 可能感受到屋企嘅氣壓好低, 希望唔會係其他大問題啦, 如果一隻隻豬都出問題, 我一定會被打低, 仲點夠氣力去再撐到底呀?
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
