阿女話呢輪我個blog好似做咗產品代言人, 成日見D豬仔孖住D補充品 :')
咁最近佢哋咁多事, 我唔講呢D仲有咩可以分享? 其實講呢D都唔開心 :(
達達之前尿液PH8偏鹼性又有白血球, 食用acidic form vit C16日+ bladder support後, 已回復到正常水平PH6.5, 再用順勢療劑後又幫到無咗白血球喇; 開心之餘, 開始減量, 最驚食得太長時間有反效果, 好心做壞事呢樣我最擔心!
可能調較得太早啦, 一星期後再幫達達驗尿又去返PH8, 又再見到白血球, 嚇死啊; 原來尿道炎膀胱炎呢類問題真係好反覆, 好複雜, 唯有從頭再攪, 條路要行返轉頭!
過咗10日再驗, 今次係PH7, 有進步, 但仍未到理想, 但今次唔敢咁快減量喇; 一方面再搜羅有無更好嘅supplement幫達達.
好開心搵到一隻cranberry U液, 係日本出品, 液體應該會比身體更易吸收, 即刻定購 :)
有D擔心味道好酸會傷胃, 又怕達達抗拒唔接受, 但收貨後我試過味道極適口, 少少甜滑滑哋, 可能係專比動物食用, 有特別公式調較, 達達今次無擰頭 :)
今次會停用bladder support 用呢樽先, 希望會更好吸收, 打算食3個月左右, 理想係以後間疏咁食返 bladder support做補充, 希望咁就足夠!
 |
| link: cranberry U液 |
特別適合有以下健康問題的貓狗：
•腎功能
•膀胱炎和腎臟結石/結晶
•泌尿系統感染
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
