 | ||||||||||||
| 抱住終於瞓著嘅小豬豆,心情複雜 | ; |
豆b情況突然轉壞, 幾日前仲好好, 忽然急轉直下, 精神好差行到搖吓搖吓, 係天氣影響還是時間到喇?
今次比我感覺唔多好, 我好不安, 見佢坐立不安又兩頭望, 仲眼定定望住我, 我個心好唔舒服, gentle passing滴劑又再出動!
其實....當日好朋友幫忙用oracle card同豆b溝通, 當佢抽到張咭有咁嘅內容, 我已經明白我哋相聚嘅時間將要寫上句號!
”Thank your animal for showing you what you needed to see and then give her
permission to let it go”
但豆b知我唔捨得, 佢為我撐😢!
呢兩日即使餵食用針筒, 佢都吐返出嚟, 我唔想強迫佢咁陰功, 無胃口唔想食時, 硬塞落去有幾辛苦, 唔使試過都知道!但豆b知我唔捨得, 佢為我撐😢!
食少咗情況差係即刻見到, 見佢行都無力好心痛, 望住佢心裡面百般滋味, 我問自己係咪仲要堅持向前衝?
叻叻嘅情境又浮現腦中, 我今次唔想再咁自私, 要豆b為咗我承受疼痛!
抱住豆b輕輕同佢講, 豆b乖, 放手啦, 唔好掛住媽媽喇 😭!
豆b到目前都無表情扭曲, 亦無呼吸急促, 但會身體突然有一吓抽搐, 呢D異常嘅舉動叫我心裡有數, 心態要預備好!今晚我好冷靜, 手抱住豆b如常寫blog, 自問做得好好, 唔想令豆b驚惶失措; 一整晚抱住佢, 輕輕同佢講叫佢要聽話, 攰就唔好再撐, 行先一步, 媽媽會陪住豆b, 瞓醒就會無病無痛💕!
 |
| 媽媽同豆b約好, 來世我同老公仍係佢父母 |
