 |
| 豆b,你好嗎? |
滿眼都係回憶, 豆b用嘅食具, 空置咗嘅床仔.....一切一切, 挑動我每條神經嘅最痛; 呢幾個月來每日要做嘅特別護理, 針筒餵食, 用棉花球慢慢抹嘴仔, 完全停晒落嚟, 我再堅強都難面對呢一切; 唔敢喊...實在怕影響到波波同達達, 但感覺不由我控制, 不自覺流下滿面淚水...
豆b, 你好嗎?媽媽好掛住, 好掛住你啊!!!!!!!!
曾經好心淡, 咁辛苦早起晚睡去照顧呢隻豬,好似不大見成效, 餵食時再遇上佢唔合作, 我覺得條路好難行, 好想放棄唔再玩, 但依家我好想繼續啊😭!
豆b豆b, 點解要走得咁快? 點解點解啊.....
 |
| 波波無晒心機 video: 睡不安穩 |
唔敢放肆大喊, 喊都要每晚等到全屋瞓晒, 唔發洩吓好慘; 但波波情緒有異常, 我更加唔敢刺激佢, 呢幾日每餐都唔肯食, 要手餵幾口引起佢嘅食慾, 先可以食完個餐, 唉!
佢瞓都瞓得差, 不停扎吓扎吓, 我相信佢知道豆b離開咗喇, 血濃於水同胎孖生, 點會無感應丫, 比較起達達, 就完全無異樣, 正常食嘢正常瞓覺!
 |
| 達達心情還好 |
豆b走前係咪同細佬有過溝通? 話比佢知好快會走喇? 呢兩隻豬一向水火不容, 成日嗌交, 但豆b走前嘅時間, 波波已經無咁火爆; 豆b走前一日, 我從房內偶然望出廳, 仲見佢哋企埋一齊好似密斟, 咁少有嘅情境我即刻拎起手機影低啦!
兩姐弟吵吵鬧鬧慣常事, 但要面對分別都係難, 波波情緒係有變差, 無胃口啦!
我希望唔係身體又出事啦, 我頂唔到㗎...
 |
| 豆b走前一日嘅中午 |
還好可以寫寫寫, 呢個blog對我幫助好大, 可以有個渠道將痛楚宣洩吓....
天意難為, 道理我明白, 唔可以自私要求豆b拖住個病, 辛苦咁活落去啦; 佢選擇適當時間平靜咁離開係好事, 起碼走前佢都無被折磨到變晒樣, 佢唔想媽媽見到情況咁差...
其實, 我係應該安慰, 豆b好懂事好乖, Ka傳心時見到有小朋友陪住, 有白光引領佢!
Ka幫我傳達訊息, 話我唔想佢辛苦, 如果佢想離開就唔好掛住; 佢答佢知, 佢想留多一陣, 佢多謝Ka幫佢傳話, 多謝媽媽咁鍚佢....
乖豆b....
好心痛, 痛到呼吸困難, 有過呢種經歷一定明白, 我需要一D時間.....
我可以慢慢調校.....
 |
| 最後的一夜 |
