 |
| 豆b爬低喺籠內係呢個姿勢 |
我從來感覺唔敏銳, 無奢望會見到呢粒女, 況且之前5寶離去, 我從來都無見過, 甚致夢中都無遇過任何仔女!
但豆b係咪同我緣份特別深厚? 我感覺我見到佢!
深夜去完洗手間, 一踏入睡房, 就見到一團透明光, 喺豆b聞氧氣嘅籠內, 豆b走後我無將個籠移動, 總希望佢真係會返嚟; 嗰團透明光係豆b毛毛一樣嘅顏色, 我見到即刻猛卒眼, 然後努力將眼瞪大!
但任我點睇, 都見唔到一個實在嘅形體, 祇見到一個朦朧嘅輪廓, 佢姿勢係爬低, 我feel到佢望住我!
我唔敢行過去, 怕佢會即刻消失於眼底, 我哋就係咁靜止咗對望, 好耐...好耐!
好懷疑係自己嘅幻覺, 見到佢, 祇因我日思夜想放唔低?
但兩位學過動物傳心嘅朋友, 都話佢真係返過嚟, Ka話佢返過來, 而我見到佢, 係真正同我講再見喇!
另一個朋友Ap話我無睇錯, 佢話見到嘅影像係咁樣嘅, 叫我相信我見到嘅, 要相信個女, 佢返來嘅目的係要叫我安心⋯
唉！乖豆b😭
心情好複雜, 好希望見到個女, 但又唔想佢咁牽掛...
豆b豆b, 你釋放自己, 向彩虹橋上飛去啦; 我哋他日一定會再相聚, 唔好再掛住媽媽, 要開開心心喺另一國度, 好好生活落去!
 |
| https://www.facebook.com/niku790305/photos |
