 |
| video |
不停諗要整D乜嘢比3隻豬仔食, 最重要令佢哋胃口提升, 豆b只食咗一次草本藥膳就唔肯再食, 我唔打算強迫; 可能自己感覺罐頭總比唔上homemade, 如果可以令佢胃口提升, 我只好比佢食, 既然佢唔肯食, 就無謂勉強灌食!
一直記住肯食最重要, 無食物落肚好難有戰鬥力, 啱食or是否有益, 放首要我都係要佢哋肯食!
Ka話用乳鴿做餐佢嘅毛孩好鍾意食, 而某群組狗狗主人亦曾分享當狗狗無胃口, 就會用乳鴿將胃口提升, 可惜搵過好幾個地方都買唔到, 退而求其次買咗鵪鶉頂包, 希望佢哋都鍾意食啦!
好多謝Ka願意幫我買乳鴿, 咁3隻豬就可以試吓, 我希望佢哋都會鍾意食!
今次加咗幾款常用嘅藥材, 用咗淮山, 蓮子, 薏米, 茨實 (四神湯)基本用料, 有去濕、健脾胃、固腎補肺、養心安神、增強免疫力等功效, 對於食欲不振，消化吸收不良都有裨益, 再加埋山楂一齊墩湯, 希望幫到胃口, 3隻豬會乖乖肯食; 熟識中藥嘅人話呢個組合可以開胃, 護腎, 對蛋白尿都有幫助, 亦都適合狗狗食用; 呢幾款藥材好普及, 太罕有嘅藥湯就唔敢亂試喇!
一揭開個燉盅真係香噴噴, 波波達達胃口大開, 食得好開心; 豆b嘛, 都算比面肯自己去食, 但無清碟, 食咗90%我好滿意喇!
