 |
| 波波眼神柔和咗 相片連結 |
阿女無詳細講我知佢哋係點上課, 我祇問佢有無感覺, 最緊要唔好似我😅!
佢話可能做咗灌頂有幫助, 應該會感覺比我好得多😉!
佢話同學中有好幾個, 感覺特別有火, 亦有人話無大感覺, 真係因人而異; 如果我去學, 無感覺嗰個一定係我😂!
佢叫我唔好咁心急, 唔好比壓力佢喎, 佢係初哥, 要慢慢摸索; 要先做好self healing, 自身淨化做得好, 先可以做到更好嘅橋樑去幫波波!
不過佢話都feel到有能量出到, 學神要練習多D囉!
咁近來波波眼神好平和, 即係無咩特別唔妥, 託賴算係平安, 講真如果去到好心急, 應該好唔妥; 況且最重要我有後盾, 仲有Ka幫波波😁😆!
靈氣治療同寵物傳心呢個課題, 時常爭論好多, 但當你有過親身經歷, 就會覺得好大幫助!
阿女話琴日上堂, 有D空檔時間大家同學傾談, 佢親耳聽到同學分享個案, 講到激動落淚; 同學嘅經歷佢聽到毛管都戙起咗, 實在太匪夷所思囉; 而學習reiki時, 又有同學嘅反應好強大, 有人頭暈, 有人抖震, 甚致有人喊晒!
好多時導致我哋唔信有寵物傳心, 靈氣治療呢種事, 可能係我哋未接觸過, 又可能係因為個別嘅communicator條天線未調妥😁!
當然唔排除會有不良份子, 魚目混珠; 遇到呢種騙徒, 輕則無料到, 重則比佢哋害死咗, 我都有聽過!
之前報上做過調查, 話寵物傳心係騙案; 但近日我又睇到報導, 有報章問過寵物傳心師幾個問題, 都講中咗, 甚至feel到其中有一隻狗狗無晒生命力, 原來嗰隻狗狗係已經過咗身囉!
真真假假, 唔係有過親身經歷, 唔盡信唔出奇, 因為好似太神奇; 我自己以前都唔信傳心, 因為試過講嘅都唔似, 但自從經歷咗豆b, 又自從波波做咗reiki, 我就越嚟越信呢類朋友口中嘅天荒夜談神奇事 😌!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
