約咗診所第一個appointment, 帶達達豬驗血吉針針!
事前作過一番準備, 請Ka幫佢傳心, 希望佢合作唔好鬧人; 點知呢隻豬反應好奇特, 佢對自己健康好有信心, 佢話自己好叻女好健康, 唔明做咩又要見醫生; 真係比呢個女激死人, 咁當然我都希望佢講嘅係真啦!
Ka都話feel唔到佢有大問題, 會send reiki symbol令佢鎮定D, 叫我唔使擔心!
抱住達達公主一踏入診症室, 乜都未做已經大大聲鬧人, 呢位小姐先聲奪人咁精神, 把聲夠震撼, 又真係話佢有病都無可能; 結果醫生乜都唔做抱住佢慢慢氹, 成功抽血我好放心😊!
聽心肺正常, 淋巴腺無腫!
可能Ka比到我信心啦, 今日坐喺候診室等報告我真係無擔心!
除咗驗血, 我都有帶兩隻豬嘅小便, 要求send出lab做, 所以結果就未有, 希望個result都唔好咁嚇人啦!
等咗一輪入去聽報告, 醫生話大致上幾好, 唔使擔心; 唔見有大問題, 小問題有都無嘢要做, 或者可以從食物方面去微調 一下！
因為我今日有帶埋波波嘅尿尿驗UPC, 本來book咗聽日嘅body check 係到波波做, 諗住驗埋血睇吓健康有無差到; 然後我比條片醫生睇波波點跑步, 醫生話佢好精神狀態好好, 既然係咁不如推遲幾日等埋UPC個報告, 除非變差先再抽血, 無必要就唔好咁密做, 無謂令隻豬心情唔好!
幸運遇到夾嘅醫生, 仲有好朋友幫忙, 感恩🙏!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
