 |
| 相片連結 |
今日天氣好好, 老公又放假, 就帶兩隻豬出去晒吓太陽啦!
達達好耐無出街行喇, 每次出去佢都係安坐車上遊覽, 要佢踏喺地上自己行, 要從新適應啦, 放咗佢落哋佢緊張到定晒; 我叫老公拖緊拉繩陪佢企吓, 唔好force佢行, 等佢慢慢習慣!
波波唔使講一落地就開步跑啦, 見佢跑得咁開心我當然愉快, 不過都顧慮佢一下運動過量, 會肌肉損傷, 一於跑吓又抱吓用呢個策略😁!
達達望住波波跑咗一陣開始熱身喇, 可以慢慢行, 我帶波波行埋達達身邊, 想佢傍住達達, 比D support佢嘛; 呢個仔好鬼心急嫌達達行得慢, 行咗兩步又快跑, 激死啊!
就等老公拖住達達慢慢行, 要從新調較喇!
今日陽光燦爛, 當然要同個仔戴住黑超保護雙眼, 呢個係佢身體其中頗弱嘅一環, 佢對眼仔好麻煩!
陪住佢一路跑, 突然聽到背後有人追住我哋嗌, 嚇咗一跳呀!
原來有個姨姨話戴住黑超嘅波波好cute, 問我對墨鏡喺邊處買😄!
咁細嘅太陽鏡事實又幾盞嘅, 波波一定識聽人哋話佢靚仔啦, 佢最開心比人讚, 乖乖停步無扯住我行😉!
兩隻豬今日算好大運動量, 怕佢哋會肌肉酸痛, 返到屋企都係照吓紅外線燈啦; 實在太享受呢種平安喜樂嘅生活, 實在得來不易啊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
