今朝一早, 帶波波去body check, 仍然係book第一個appointment!
理論上嚟講, 波波蛋白尿指數有進步, 而自己觀察佢都精神好好, 胃口正常, 毛毛色澤鮮明豐厚, 其實係唔使擔心,可以唔去覆診!
馮醫生話理論上報告有好轉, 腎臟無更差嘅可能, 不過好多未明因數, 要佢保証一定無事佢唔敢, 但佢覺得驗血無迫切需要, 波波距離上次血檢只有三個多月, 過多幾個月都應該放心, 何況佢無病徵, 食得瞓得跑得, 驗血可以稍等!
馮醫生聽心肺OK, 但都係話佢右眼較差, 建議比佢食一隻supplement!
今日抱住波波一踏入診症室, 佢已經驚到震, 佢一定記得每次嚟呢度都要吉針針, 個頭仔猛塞向我個身; 既然血檢唔緊急, 就無謂又攪到佢騰騰震喇!
然後醫生print返佢哋嘅報告比我, 當日姑娘來電話我知達達無事, 我無再追問, 今日報告在手, 見到達達各項指數接近完美, 我好開心, 唔怪得佢對自己嘅健康咁有信心, Ka又無feel到佢有大病纏身😀😁啦!
醫生話狗狗尿尿SG1.030係最好, 達達都有 1.029喇, PH6.5, 無糖無血無蛋白, 無發炎樣樣都好; 相比起波波就仍需繼續努力要更進一步; 波波一樣係無糖無血無發炎, PH6.5, 但蛋白有 1+, SG1.020, 當然係唔多好啦, 不過已經比之前有進步; 我會繼續努力幫個仔, 我有信心做得更好!
一步一步向前, 唔怕進步龜速, 祗求唔退步就滿足!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
