聽日帶達達見馮醫生, 做個lab test同檢查身體, 隻刁蠻公主已經足十歲, 身體機能走下坡可預計喇; 呢類超小型犬器官咁細, 有起事嚟用藥都頗係問題, 其實好多獸醫都唔多願睇!
我好明白呢個問題, 所以盡量依賴順勢療劑, 不過有時都係事與願違, 理想同現實都係兩睇😅😖!
開始有D緊張, 雖然有心理準備, 十歲嘅身體唔可以同兩歲相比, 就算check到有問題, 我都唔可以騰雞, 但.....都係希望唔好大大劑啦😂😞!
分開兩日帶波波同達達, 老公攞唔到假, 工人姐姐唔敢依靠, 自己一個都係分兩次嚟啦!
琴日喺FB見到有個post, 樓主嘅狗狗病情同波波咁上下, 都係有蛋白尿但血檢係正常過關; 樓主帶狗狗去港島某獸醫用中藥治療, 一個月後再覆檢, 驗血超晒標, 佢狗狗已經停服中藥喇; 睇到呢個訊息我好驚啊, 萬一...如果...波波都係咁, 我要點抉擇?
對號入座病又復發, 唔應該儘向壞方向想啦, 波波明顯係有好轉, 精神胃口都有進步嘛; 唔好自己嚇自己, 就算真係變差, 都可以再諗辦法, 總有路行!
天氣開始暖, 打開FB網頁, 日日都見到寵物用品店嘅換季剪貼, 每次見到呢類圖片, 一款兩色嘅衣服, 我個心就好似比箭穿, 豆b嘅形像又喺我眼前晃動, 豆b, 你近況可安然?
 |
| 無得再做孖公仔喇😢 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
