 |
| 相片連結 |
今晚, 又帶兩隻豬去搵Ka, 又要麻煩老友記幫波波做Reiki, 當然帶埋達達, 兩隻豬仔又有得歎世界喇😝!
依家無去見老師, 都keep住請Ka幫忙每星期做一次!
今晚預先幫波波滴咗花藥, 我無稀釋想濃度高D, 由於有酒精做防腐, 我無比佢口服, 改為滴落皮膚好D; 呢隻花藥係針對毛孩無目標都亂吠, 可能有莫明恐懼但我唔知啦; 波波一出街, 好多時都係莫明其妙咁吠, 我覺得呢隻花藥應該OK!
可惜....花藥真係對波波無作用, 從過去到現在, 換過好多配方, 無一款click中; 沿途係咁吠, 我真係無晒符😥!
今晚推住佢哋嘅坐駕慢慢行, 見到部車都殘喇, 用咗幾年, 一早要換車啦, 但望到車蓬網上嘅抓痕, 我個心好痛啊!
以前豬豆一定要坐車頭, 仲要企高兩頭望, 落咗車網佢會用雙手抓住個網做support, 個網花晒喇; 之前有想過要換車,但又一定要雙向開蓬, 唔想達達同豆b爭, 兩隻豬都要望街街, 單向佢哋會互相碰撞打交; 但一直搵唔到有新款, 又唔想買同一個model 咁悶嘛!
拖吓拖吓, 到咗今日, 要換車我會好心痛!
從來無諗過車上抓痕同我咁親近, 我唔捨得丟棄呢架車仔, 唔捨得無咗豆b嘅抓痕😢!
 |
| 桃花依舊... |
今晚一路行一路諗, 行住熟悉嘅路, 以前車上仲有豆b喺度兩頭騰, 真係越諗越傷心!
自從Ka幫豆b做完傳心, 我呢排又猛咁諗, 會唔會有再遇返佢嘅可能!
唉, 抖起精神唔再諗喇, 要照顧好呢兩隻豬, 要集中精神!
今晚做Reiki , 波波又有進步, 比之前更放鬆喇, 除咗做頸時, 佢擰轉頭望住Ka, 好似同佢講唔想做呢度; 可能又熱又扯住, 佢個頭仔都要側晒去就住, 先稍為頂得順😬！
達達一般都OK嘅, 不過今日我請Ka幫佢做吓腳仔, 佢個膝蓋關節處, 希望幫到佢嘅腳震震好D, 但佢就好大反應仲發脾氣; 呢個係佢嘅死穴, 佢唔鍾意比人摸住!
多謝好朋友幫手, 咁錫兩隻豬, 下次再見!
回程時波波好安靜, 但好黑仔碰正放狗時段, 起碼碰到7,8次, 有狗狗迎住我哋行前; 我個心叫苦連連, 心諗波波片刻嘅平靜會盪然無存喇, 但個仔竟然無吠無暴跳, 仍然乖乖伏低無大叫😲!
完全唔明白reiki究竟可以幫到有幾全面, 靈氣治療實在太神妙!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
