今日都頗頻撲, 一早要拎波波尿尿去旺角, 要驗UPC, 再跟返中藥喇; 然後要過太子, 幫阿女嘅貓貓攞藥, 兩隻貓貓腸胃麻麻有D痾, 醫生放幾日假, 阿女又要出門再飛過, 想貓B睇醫生時間唔許可; 琴晚試用vetNX, 如果係小病痛都唔錯, 解釋得都清楚, 睇完今日我去攞藥, 希望藥到病除, 唔係阿女出咗門我就死火, 煩死我!
波波呢排麻煩多多, 先唔講眼仔折騰咗咁耐, 連帶身體都好唔妥; 先係胃口差到餵都唔食, 強餵仲嘔咗, 然後幾日無poo poo 屙, 感覺無奈又折磨!
可能食過抗生素影響咗...
可能眼仔痛嘅結果...
可能食得唔多...
可能活動少咗腸胃蠕動唔多...
無限可能令佢無得屙, 但咁多日我都有擔心啊!
已經有比南瓜蕃薯, 已經比咗蜜糖, 已經肚仔按摩, 但都無幫助...
見琴晚阿女網上問診, 搭單請教醫生, 今日果然有得痾😄; 見到D poo poo好似執金咁開心, 毛孩嘅家長一定唔會笑我, 咁變態應該唔係祇有我😂!
感恩胃口都比之前好咗, 雖然未叫正常, 但肯食已經唔錯, 我唔會咁天真健康會突然轉好咗, 祇要有空間比我幫佢調理, 我比多D時間心機囉!
 |
| 掛起個dream catcher一定會好瞓咗😉 |
早前訂購咗個dream catcher, 主要因為可以揀選狗狗品種, 松松嘅精品向來唔多, 見到件產品幾精緻, 預意亦討好, 梗係唔放過; 達達好多時都會發夢, 波波呢輪都瞓得唔好, 就相信掛起個捕夢網有幫助啦, 祇要信就好😜!
Dreamcatcher - 轉貼
(捕夢網)又稱之為夢捕手，一種來自北美奧吉布瓦人的傳統手藝品，使用柳樹來做框，中間編織著鬆散的網或蜘蛛網。
據流傳的習俗，印第安人認為夜間流動的空氣中隱藏着好與壞的夢，
每當夢寐要進入思維的時候，就會先通過捕夢網...而同一時間捕夢網會將壞的夢困在網中，而好的夢就會通過捕夢網中心的洞，然後就隨著羽毛滑下進入作夢者的身上，
清晨的第一道陽光將會把困在網中壞的夢消滅掉。
後來在美國一些地區也流傳著這個風俗，捕夢網有祈求平安並帶來好運之意義，並可驅除惡夢，讓人美夢入睡。
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
