 |
| 相片連結 |
琴日正午有陽光, 捉緊時機同兩隻豬仔出去行, 天氣預告跟住又返冷; 兩個老人家, 一個氣管麻麻, 一個乞嚏猛打, 吸入冷空氣就麻煩, 要小心D保護住, 唔同後生喇!
兩隻豬表現好飄忽, 一日前明明行得好開心, 一日後可以興致無晒, 琴日波波又無晒信心, 呆呆咁行吓停吓, 要上繩拖住先行得無咁差; 算啦睇唔到又真係唔同常人, 拖住肯行都可以鍛鍊吓肌肉彈性嘛!
波波有肌肉㗎, 之前Dr Ma仲話佢後腿有力唔差, 不過自從眼仔出事行少咗, 我都擔心咁落去又出新問題喇; 已經勤力咗喺保健方面, 多D按摩吓!
 |
| video |
達達琴日都有D慌失失, 佢一直步行都會將身體壓向地下, 應該mentally & physically 都有關; 想當年開始湊佢, 都下過苦功㗎, 經過一番努力先鼓勵到佢起步行; 一直都focus喺情緒管理方面, 直到幾年前行動出事, 先知道佢仲有關節毛病, 仲係始於幼年期間; 醫生話佢已經自己習慣, 會識就住點行, 無需要攪佢喇!
依家先知道, 姿勢不良影響咁大, 連張口呼吸, 嘴嚼都有關😱....
琴日意外地網上睇到一篇資料, 解釋好詳細, 原來好多好多毛病誘因係不良姿勢, 尤其頸係重要部位; 我希望分享比大家都睇一睇, 如果仲有機會糾正就最好, 萬一已經長年累月習慣落嚟, 都要留心保養問題!
 |
| 波波頸仔細細, 最直接用艾灸保養呢個部位 |
越來越發覺自己嘅不足, 做一個稱職嘅毛孩家長唔易為, 愛鍚更唔係單一食得好住得好就唔使閉翳...
兩隻豬仔年事已高, 都無咩矯正空間, 但我會嘗試少少, 少少努力去試吓, 做到少少都好; 希望大家睇完呢個連結都有所得著, 祈望大家嘅毛孩會更幸福更好, 生活得色彩更豐富!
轉貼: 狗兒運動的基本原理 By Julia Robinson
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
