 |
| 相片連結 |
精神上好大負擔, 即使奉行頭痛醫頭腳痛醫腳, 唔再諗其他, 難題都迫住嚟😰!
兩隻豬輪住出問題, 不停撲來撲去見醫生, 今日又帶波波見梁醫生商討醫治蛋白尿嘅計仔; quit 咗西藥後蛋白尿回升一倍, 雖然目前尚係正常範圍, 但有可能又好似當初咁失控制!
老實講我唔會再因為一個數字行回頭路, 如果波波可以承擔西藥, 我使乜閉翳? 用西藥係報告超班正常, 但見到個仔嘅表現咁曳, 無晒胃口成日瞓低, 我千辛萬苦遍訪中藥醫生, 唔可能因為一個數字報告漠視之前見到嘅一切!
兜咗一個圈又返回起點, 雖然數據唔靚係要面對, 但我真係唔想再用西藥控制; 好難先調較返波波胃口正常, 唔再好似個標本公仔, 都開始同達達有返D互動, 點可能好似當初咁因為一個數字, 攪到佢精神咁差, 咁做我係害個仔啦!
狗狗肯食, 精精神神咁生活先有樂趣, 我可以接受用低劑量西藥輔助, 但唔會再主力用西藥谷個仔!
梁醫生話雖然停晒西藥反彈好快, 但仍有改善空間, 試吓轉藥睇睇, 一個月後再驗UPC睇結果是否受控制!
我都明白要慢慢搵平衡, 反正波波日常表現唔差, 我就配合醫生嘅設計; 當然希望轉藥後有改善, 就算唔得都可以再諗計!!
幾日後又要帶隻豬覆診眼仔, 滴咗類固醇明顯有改善, 用藥5日應該傷害唔大卦, 但有需要時大都無計啦; 唯有都係做返排毒, 唔再執著要因應時勢!
 |
| 一有狗狗入診所就緊張到凸晒眼仔 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
