 |
| 相片連結 |
同波波一齊繼續努力, 努力適應個bumper ring!
個仔好緊張, 呢個情況我明, 叫我閉上眼兩頭行, 都一定有相同反應; 我當然甘願做佢雙眼, 但我相信佢靠自己行動會更高興; 唔靠人自由活動, 一定係波波嘅心情, 即使我把聲都未開, 沙住聲都嗌到力竭聲嘶咁作引領!
我諗波波都好盡力, 佢都好想適應, 見到佢眼仔瞪大緊張到紅晒, 我肉赤又高興!
唔敢比佢太用神, 我哋正常人行走不費吹灰之力, 但有殘疾時一切都要靠高度集中力, 我見波波要用心聽, 去感覺作出反應!
一段時間要比佢停, 個仔攰到無晒表情, 抱佢上床幾秒就進入夢境, 媽媽我其實心痛得要命!
佢一路行我一路觀察住, 家居環境要作出配套去呼應; 波波細小嘅身形, 行到梳化前都擋唔住果bumper ring, 幾次都直穿入梳化底, 我要捉住佢立刻作出反應; 其實咁我都精神緊張,要調配吓家居環境!
未搵到物料, 就用膠紙封住梳化脚, 咁就可以停住個bumper ring, 等搵到適合物料再作封裱, 暫時頂住唔使我步步為營, 最怕睇漏眼隻豬有碰撞留下陰影, 咁做幾多都等於零!
我會小心翼翼, 一定唔可以傷到佢嘅信心同努力!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
