 |
| 相片連結 |
一連幾日都記錄住bumper ring嘅練習, 日後睇返都知道我哋係有付出過心機同時間, 同波波做練習都幾攰㗎, 要爬低同佢相同高矮level行, 攪到我都身水身汗啦!
唔可以偷懶, 要等佢熟習個bumper ring嘅成效, 要高八度音調鼓勵, 又嗌到聲都沙晒😭; 咁嗌法真係好傷聲帶, 但波波聽唔到我嘅聲音又唔肯行, 試過用發聲玩具同拍手, 佢又無反應嘛!
個仔對我好倚頼, 真係好難行開行埋, 不過我甘心情願做佢依靠, 經過今次佢遇到嘅病患, 我發覺我真係錫得佢好交關😘😘!
今朝一早食完早餐, 又放佢落地行, 叫達達陪佢一齊做吓鼓勵, 呢個惡女都ok啦, 波波有碰撞都無發脾氣, 算好比面喇!
今早見到有小進步, 個bumper ring撞到有障礙, 波波都識稍移側方向繼續, 無坐低唔郁喇; 到咗中午再練習, 個仔又信心無曬, 唔敢郁坐到定曬😓!
佢都未認識個bumper ring係佢嘅保護𦋐, 克服膽怯呢樣仍需要時間!
唔敢比佢壓力太大, 練一陣要抱抱鍚返, 事實要克服呢個殘障真係好難, 我又心痛又覺得佢好慘; 但唔熟習就永遠唔識自由行, 都係要硬實心腸要佢練習, 直到習慣!
唯有縮短師時間, 練完比小食獎勵啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
