 |
| 相片連結 |
今日好大風, 個心十五十六, 究竟好唔好同兩隻豬仔出去, 如果唔去下星期就更凍, 更加難出動!
波波依家喺屋企好少郁, 實在欠運動, 以前兩頭跑步姿都好輕鬆, 依家呢個動作欠奉; 自從佢眼仔睇唔到, 真係少咗活動, 可能要佢戴住個bumper ring, 佢討厭成日左碰右碰!
達達就更奇怪, 喺屋企完全懶郁動, 淨係嘈住上梳化就滿足, 長此下去我真係怕佢哋肌肉萎縮, 又嚟頸梗背痛!
雖然每日做足三步曲, 紅外線, 針灸筆加埋場效應熱敷, 但都唔可以取代正常運動嘛!
唯有著件薄衫仔, 提高舒適度, 希望波波著住衫都肯郁啦!
真係超大風, 兩隻豬放咗落地都唔敢郁, 同波波講咗一大輪, 又氹又讚先開始少少行動, 達達就吹到企唔穩, 我唔敢push佢怕佢今晚發惡夢!
轉移陣地, 搵搵邊度有陽光又無風, 結果都比兩隻豬跑咗一輪, 算做足運動, 多謝天公!
 |
| video |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
