 |
| 相片連結 |
一個人無咁多憂慮真係好快樂, 唔再諗咁多日子好好過, 自從豁出去唔擔心咁多, 真係瞓都瞓得好咗, 直接影響咗兩隻豬都放鬆咗, 不過本性難移, 我唔知我可以堅持幾耐啊😅!
即使自己唔理咁多, 週邊朋友都好關心波波, 見到有相關資料都會通知我, 仲有阿女會上外國群組取經, 外國信任holistic vet 比較多, 希望盡幫波波!
眼仔方面, 阿女話群組建議可以用'EyeBright', 內服外用都唔錯, 咁滴一兩滴開水抹吓眼仔都好溫和, 咪用囉!
真係唔想諗太多, 明日愁來明日當有無錯? 我太多憂慮真係錯過咗好多, 要學習活在當下啊!
不過要我完全放開, 我呢種人都真係無乜可能囉😉😜!
琴日天氣幾好, 有陽光好溫暖, 捉緊機會帶兩隻豬仔出外走走, 下星期又話凍返, 又要窩居斗室啊!
波波出外表現幾好, 當然要無其他人無其他狗狗, 見佢可以慢慢行細步走, 感覺幾優悠, 即使無視力仍有感觀做幫手; 反而估計唔到達達咁興奮, 放佢落地直線咁走, 行咗好耐好耐都未夠😲!
晚餐兩隻豬都食得好好, 夜晚早早就瞓, 如果可以keep住咁, 我就好感恩啦; 今日都天氣好好, 一定要繼續, 咁嘅生活大家都開心!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
