 |
| 相片連結 |
承接住呢幾日天氣回暖, 又見到兩隻豬琴日出去咁開心, 今日一於再出去行大運!
一落到樓下大堂就見到熟人, 都無碰面好一段日子喇, 一見到架車仔佢好開心, 然後即刻問, 點解帶兩隻BB, 唔帶埋嗰隻咁偏心呀?
真係最怕遇到咁, 過咗咁耐提起仍係傷心, 雖然眼淚再無一觸即發狂流, 但我都係好怕無心理準備下被問及, 心情即時被影響, 今日都好難開心喇!
今日好似比琴日涼, 無咁好太陽有風吹到涼浸浸, 兩隻豬明顯無琴日咁開心; 達達祇係行咗一陣, 波波仲好似驚到失晒魂, 行到無晒方向感, 最後要上繩先有信心行一陣 !
唔知兩隻豬係咪識讀心, 感應到媽媽唔開心, 唔勉強大家, 早D返屋企, 調整好心情聽日再出行!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
