 |
| 相片連結 |
工人姐姐放假後回歸, 好似變咗另外一個人, 十件事有九件都做錯, 我唔怪佢將做開嘅嘢忘記咗, 但對我嘅提點, 佢完全ignored😡; 之前無嘅陋習, 唔明點解放個假就變咗, 依家手機不離手, 終日講講講, 講到失魂點會唔做錯?
果真係無例外? 前人經驗第二個約一定衰咗, 明明好好咁做嘅一個人, 話變就變激死我😤!
阿女話比D時間, 佢放完假心散咗嗟, 慢慢會回復正常, 希望係咁啦, 放假返嚟呢半個月, 樣樣都要跟真係攰死我😫, 好似要從新教過!
天啊好難得今時今日搵到個正常工人, 呢兩年來都無咩呻過, 呢D煩惱點解又要我再經歷過😢?
幸好兩隻豬爭爭氣氣無嘢煩我, 呢個係最重要囉, 日常生活風平浪靜咁過, 工人呢D唯有從新適應過!
每日如常做電兔誘導佢哋活動, 無我引導波波一定活動少咗, 要保住佢兩腿肌肉, 唯有做電兔囉; 達達關節問題更少做主動, 佢一向都行得麻麻, 依家感覺佢腳仔力度更差咗; 年紀大咗關節又退化, 都唔敢一吓要佢行得多, 怕咗佢又抽筋就死火, 唯有盡量做多D保養按摩, 一路氹住佢慢慢行吓算囉!
不過兩隻豬都叻咗, 達達仲有樣學樣, 學識主動嗲吓我, 呢隻高竇豬會有咁嘅表現真係無諗過😅!
只要兩隻豬平安, 身題無出問題, 其他都係小事一樁, 得過且過啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
