日夜都開住冷氣唔敢停, 見到寵物網提及, 咁熱天氣累及好多動物, 即使逗留室內, 都有中暑可能; 今年好似特別高温, 多咗呢類室內中暑嘅症候, 真係要小心!
但控制D冷氣又好奇怪, 開低一度好似感受唔到冷空氣, 開高一度感覺分別又好大, 長時間逗留喺涼快嘅冷氣間，又真係需要著返件衫!
 |
| 挑食公住剛沖完涼,毛都未吹乾晒媽媽就影相😍 |
上次訂購比兩隻豬嘅衡溫涼感防蚊衣都未返, 又見有新款SNOOPY, 自己就忍唔住再買, 雖然兩隻豬一身毛毛, 連達達毛毛都厚返晒, 應該唔怕冷; 波波一向唔鍾意著衫, 但老人家抵抗力差, 唔想冷壞, 保險D都係著返件衫, 涼感衣就最啱😄!
今次買呢兩件無防蚊, 只係涼感加UV防護, 正路應該無之前買嗰件咁正斗, 一分錢一分貨呢個原理我懂得, 咁當然...都曾遇到過意外驚喜嘅幸運😝!
再試埋第三款骨膠原豬骨花膠湯粒, 達達都係唔飲, 全軍覆沒!
今次連波波都唔鍾意, 一路氹住先肯飲, 我出動到針筒餵達達, 都比佢一手推開, 唉放棄算喇!
睇嚟都係注定要繼續做阿四, 自己慢功細貨咁嗷出嚟, 先可以滿足兩隻豬嘅要求; 所有嘅咩鮮食包, 咩濃縮湯粒, 就算有幾好, 唔係自己做嘅都唔使再諗!
天氣熱, 唔想做熱敷嘅保養, 照燈都擱置先, 主力用E-Acu, 當然音叉唔可以缺少; 可能波波有良好感覺, 佢似乎已經受落, 其實我自己試過個vibration係舒服喎, 依家做埋佢個心仔都接受!
達達一開始已經接受sound healing, 咁當然繼續唔好停!
https://www.youtube.com/watch?v=7hJ2dOjL9Fo&app=desktop#menu
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
