 |
| 相片連結 |
兩隻豬暫時健康平穏, 算係無特別issue要我擔心, 雖然達達食嘢仍挑口, 但都接受我慢慢咁氹, 最多都係抱埋身, 拎住食物遞埋口, 佢無擰轉面自己肯食...我已經好感恩!
日常瑣碎小事, 因為曾經失去, 當再度擁有, 就明白當下嘅幸福要及時捉緊, 要好好享受今日!
早前波波身體不適, 然後又到達達抽筋, 兩隻豬都令我好擔心, 今日見到佢哋久違嘅互動, 兩隻豬有返溝通, 即使係兩頭跑吓撞吓咁, 我已經好開心; 曾經一度波波攰到不受控制成日瞓, 達達又燥底惡到想食人, 兩隻豬根本唔想接近😫!
回想佢哋細時曽經咁相親相愛, 為咗達達波波可以一齊生活, 我亦費盡心神, 早前見佢哋神離貎都唔合, 真痛心!
今日兩隻豬又可以一齊走, 雖然咁簡單微小平凡事, 但我感受到得來不易嘅幸運, 呢D唔係可以經營就得到嘅緣份🙏!
 |
| 轉眼就過咗9年... |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
