 |
| 相片連結 |
再過3個月波波就12歲, 睇呢個表等同人類74, 達達比波波細兩個月, 都七十幾😱, 咁佢哋身體有咁多問題都算合理; 之前睇過好多個chart, 都話12歲等如人類64, 六十幾歲就咁多事? 真係想死😓!
呢個表比較貼近真理, 應該係依家生態改變, 空氣污染等等問題累事, 身體衰老得快D; 自問已經悉心照顧佢哋, 身體都咁多病痛好氣餒嘛!
但如果已經七十幾, 都易接受D, 人生七十古來稀, 都可以apply落我D豬啦; 雖然係年紀大D, 但喺我心目中佢哋永恆係BB😜!
又做阿Q安慰自己, 哈哈, 自己感覺舒服就OK😉!
可能年紀大咗身陳代謝慢, 兩隻豬都重咗, 已經因應身體情況作出調整, 加菜食少咗肉類, 仲一路加添磅數好唔合理; 當然佢哋郁動少咗瞓多咗係真事, 但如果體重再咁增加, 關節一定出事, 佢哋骨仔細細點承受得起個肥身體😂!
一路調整一路mon住, 今日兩隻豬總算達標, 去返正常體重嘅高位, 醫生話波波1.8-1.9kg係最fit嘅位置; 達達1.6-1.7kg之間都OK!
有時好矛盾, 好想佢哋體重標準, 但已經肥咗, 見佢哋減咗磅數又有顧慮, 好驚係身體出事而導致; 呢種擔憂睇嚟好白痴, 但原來週邊嘅朋友都有相同憂慮, 尤其係耆英狗狗, 唔同壯年時期, 今時今日體重嘅上落都可以係大件事, 唔敢忽視!
正面去睇呢個結果, 應該係我努力調整得出嚟, 唔好又自己嚇自己!
今日睇咗一篇文章，其中一節好值得反思！
"我們在生命中，遇上一次又一次的假如，一個永遠沒有答案的假如，假如這樣；假如那樣，總是盼望假如過後是一個你想要的答案。"
的確每個人腦中都一定曽經出現過呢兩個字, 假如⋯
但願我喺照顧我豬仔嘅路途上, 唔好出現假如, 呢個係代表住一件憾事; 我唔要假如, 因為今日我已經全力以赴去照顧佢哋, 可能我做得唔係最好, 但的確已經係克盡己任去做好每件事.
正能量去睇, 有朝要別離都唔應該怪自己😥!
如果一定要有假如, 我會話...假如我生命中無出現過我嘅寶貝豬, 我嘅生命就唔會完美💞!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
