 |
| 相片連結 |
上個月帶達達見李醫生, 講到佢不停打乞嚏 , 我話試咗N個方法, 都唔可以止住, 好怕佢咁繼續落去會撕裂鼻黏膜, 噴血就嚇死, 無辦法下連最唔想用嘅西藥都試咗, 但都係無濟於事!
醫生有新嘅建議, 叫我嘗試加膠體銀比佢聞氣, 再加服Liposomal Vit C; 呢個月來我一直有比佢聞氣, 係少咗打乞嚏嘅, 但都仲係有青鼻水, 始終未能痊癒!
 |
| 自己伸個頭埋黎, 成個獅子皇咁好攪笑😄 |
至於Liposomal Vit C, 其實一年前老友Ka已經叫我試, 當日佢狗狗用咗效果良好, 而澳洲順勢療師都推崇備至!
當日買咗返嚟餵唔到, 今次有想過再試一次, 但我最後都係放棄!
https://yippompom.blogspot.com/2017/07/liposomal-vit-c.html#more
我呢兩隻豬仔唔識吞capsule, 而呢隻保健品內容物係深橙色啫喱, 佢既唔溶於水難借助針筒, 又建議唔好混和食物服用, 個情況等同當日餵波波Ocu GLO眼仔capsule一樣, 就算產品幾好, 都要迫住放棄無得用!
用一隻supplement要角力, 攪到咁傷感情, 佢哋又典到忘形, D毛髮污染變到橙紅色, 如果每日要咁打交, 我哋會齊齊發神經!
咁抗拒下比佢食咗都無得益, 我唔想強迫!
之後有同朋友Am傾談過吓呢個話題, 話個補充品再好都無用, 呢粒膠囊唧出嚟杰撻撻, 又不溶於水, 用唔到針筒泵, 對我嚟講就係無用!
幾日前, Am話我知佢訂咗一set順勢草本remedies, 隨藥劑跟咗一枝liquid form嘅Liposomal Vit C!
以前藥廠都祇係比建議, 根本呢個產品無listed, 依家知道佢有新嘅formula做成液體, 我下次就可以買比達達試!
Am話有上網站搵, 但搵唔到呢隻補充品, 可能無得單買呢隻supplement, 或者廠方認為呢隻產品幫到好多medical problem, 所以隨套裝草本療劑送贈!
兩隻豬已經無用草本, 祇用homeopathic medicines, 咁即係無得跟?
未有需要近期再訂藥, 打算遲吓再瞭解有無買到嘅可能啦!
可能年頭A幫兩隻豬仔買咗玉兔真係招貴人, 達達有運!
Am突然叫我準備收禮物, 佢話有好嘢梗會預比達達, 佢已經速遞咗枝supplement!
今日收到喇, 真開心, 多謝咁多朋友都對我兩隻豬仔關心, 達達一向對針筒餵藥無介心, 我應該可以順利咁泵, 希望今次會幫到佢再無鼻水噴!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
